ADALUALDUS

ADALUALDUS

Agilulfi fil. Longobardorum Rex a populo puer adhuc salutatus, atque insigni regiô decoratus in Circo, patre ipsô assidente. Cum ad eum Eusebius, ab Heraclio Imperatore, legatus venisset, sive iussum Imperatoris, sive consilium suum sequutus, Adalvaldo e balneo exeunti poculum specie salutiferum dedit: quô epotô rex desipere, ac plane mentis impos esse coepit: quod ubi sensit Eusebius, ipsum et iuvenem, et amentem impulit, ut propriae securitatis causâ prineipes Longobardorum e medio tolleret:coeptâ inde caede, ac iam duodecim e primoribus interemptis, ne malum longius serperet, veriti Longobardi, ipsum A. C. 724. tumultu excitô, reunô cum regina matre Theodelinga exegerunt. Sigonius l. 2. Regni Italici.